قســـــوة أب وحــزن فـ قـــلب

[محمود السخيلى]

http://farm4.static.flickr.com/3364/3256588561_29d6fd9951.jpg

ليه تخلينى أمد إد يا

ليه تخلينى افقد اعصابى

إنتى منايا وكل ما ليا

إنتى ضنايا وكل احبابى


عمرى ما يوم زعلتك مره

مره فـ مره أدلع فيكى

ويوم ورا يوم نتفسح بره

عمرى ما أفكر ءأسى عليكى

ليه تتشاقى ويا صحابك

ليه المس بتشتكى منك

ليه تضيعى قلمك وكتابك

ليه زملاتك يبعدو عنك

حتى المس بتاعتك زعلت

جت تشكيلى كتر شقاوتك

شرح وتدريس منك تعبت

لعب وتهريج اه يشقاوتك

ليه تخلينى امد اديا

ليه تخلينى افقد اعصابى

انتى منا يا وكل ما ليا

انتى ضنايا وكل اصحابى

دايما ليه تخلينى متنرفز

لما ضربتك يوم على ايدك

وافضل طول اليوم متعكنن

افتكر انى فـ يوم ما أزيتك

أسف جدا أوى يا حبيبتى

عمرى ما اطول ايدى عليكى

قبل ما تطول انا أقطعها

وامسح بيها دمع عنيكى

نفسى اشوف الضحكه فـ وشك

نفسى البسمه ترجع ليكى

ليه دايما علطول بصالى

ليه الحزن مالى عنيكى

مش راح اسامح ابدا نفسى

طول منا شايف عجز إديكى

وافضل ادعى الله فـ صلاتى

يخليكى المولى ويشفيكى

ليه تخلينى امد اديا

ليه تخلينى افقد اعصابى

انتى منايا وكل ما ليا

انتى ضنايا وكل احبابى

==========

مع تحياتى

محمود السخيلى
s@meh_415
5/3/2010

[سعود العبد الله]

الشاعر الجميل محمود السخيلي

وقفت أتأمل هنا كثيرا و ما تناثر من عتب و تحنان حمل رقة القلب و شفافية المشاعر الأبوية .

دمت مبدعا و كل عام و أنت بخير أيها الحبيب .


تحياااتي

[ولاء سعيد أبو شاويش]

الشاعر المتألق محمود السخيلي
لا أرى هُنا أي قسوة ، بل حنان الأب صاحب القلب الكبير المحُب لطفلته ، فحين يقسو عليها بالتأكيد سيكون لمصلحتها وغداً عندما تكبر ستدرك أنك ضربت على يدها كي تتعلّم .
قصيدة جميلة
في انتظار المزيد
كل عام وانت بخير

[أحمد راضي]

الزجال الجميل
الشاعر محمود السخيلى
نص زجلى جميل يحمل بين طياته من حنان الأب وخوفه على فلذات كبده وحرصه الشديد على راحتهم وعدم معاناتهم
لك كل التحية على هذه العدسة التى نقلت لنا هذه المشاهد
خالص تحياتى
احمد راضى