صلاة الموت

[احمد ابوحج]

صلاة الموت
------------------------------
ياساقيه تلف ع الفاضى
منيش راضى اوقفها
سيبها تلف على كيفها
سيبها تلف ماتوقف
لحد متنتهى وتتلف
وتعزف لحن احزانى
وتاخد منى عنوانى
وتدينى سنين فاضيه
مهيش راضيه
على حالى اكلمها
الملمها ادورها
الاقى العمر ضاع منى
واستنى يلف الدور
يوصلنى لعند المنتهى
بدرى
اقول بدرى سبقتينا
ياساقيه لفى واسقيتا
الامل صافى
يخللى الروح تجمعنا
وكلمه اه ماتوجعنا
ولاحتى تطفى النور فى ننى العين
وفى دموعنا
ياساقيه تلف لفتها ماتوقفشى
ومين يقدر يسابقها
وحتى لو سبقناها ماينفعشى
ومين يقدر يوقفها
ياسقيه تدور على الفاضى
تلف وتجرى على دورها
تشفها تكز ع سنانك
وتقفل م الهوا ودانك
وتتلفت ورا وتبعد
ومهما الريح معاك يعند
تقول اكرهت منظرها
ياساقيه تدور ماتسقينا
ولا تسقى اللى جنبينا
وحتى لو هتسقينا
كلام فاضى
منيش راضى
اقول توقف
لحد متنتهى وتتلف
وتبقى فى خبر مدفون
ومتكفن واصلى عليه

صلاة الموت
------------------------
شعر احمد ابوحج
شاعر مصرى
العريش _شمال سيناء

[حمدي ليلة]

أول المعانقين للنص البديع
وأول المرحبين بالشاعر المتقن
أحمد أبوحج ..
القادم من أرض الشمس والبحر والرمال
أرض الحب والتضحية والفداء
لك منى كل كل الحب
وأهلا بتلك الطلعة البهية
وفى إنتظارك هنا دائماً
ولى عودة إن شاء الله

[احمد ابوحج]

المبدع حمدى ليله تحياتى وكل سرورى واهلا بك دوما واحب أن أشكر كاتبتنا الجميله ألأديبه صابرين الصباغ لدعوتى لدعوتى الى هذا الموقع واشكرك على دخولك على القصيده 000000
احمد ابوحج 000
شاعر 000