آمال محمود كحيل
19-12-2007, 07:26 PM
حكاية كل يوم
الحكايـــــ1ــــــة
إنى صايم
والله صبحنا وصبح الملك..
لصاحبه الدايم.
إنى صايم.
وهاقولهالك كده م الآخر
إبعدى عنى خلاص دلوقتى,
وبعد المغرب ..
ابقى تعالي عشان نتفاهم
لاجل انا صايم.
ناسيه امبارح ماتسحرتش؟
وكمان لاحظى .. من مصلحتك
أفضل نايم
لاجل حياتنا تصبح واحه
مشى أمورك كده بالراحه
يعنى مافيش دوشه وعزايم
إنى صايم.
مهما تسوء بيننا الاحوال
انسى بأنك تبقى آمال
هاتلاقى عيشتك فل وعال
يعنى عنادك شيئ مش لازم
لاجل انا صايم
أحمد الشربينى
الرد على الموضوع
بركة يا جامع
والله بدأنا الشهر وبدأ
الخوف من قصة
إنك صايم
من أولها بقيت تتشرط
طب يا سي أحمد
خليك فاهم
ما تعتبش البيت يا حبيبي
قبل ما يدَّن لو بثواني
أصلي انا زيك
صايمة ومش هاتحمل حد
يثور قدامي
لو تعبان تدخل على أوضتك
تقرا ولو جزئين قرآن
هاتلاقي نفسك مرتاح خالص
ودا تعمله بقى طول رمضان
أو تتسحب
للبلكونة تشم شوية هوا
وتروق
وان عايز تتكلم يبقى
كلامك ليه يكون بالذوق
مش تتفشش فيه وساعة
ما ازعل بقى
هاتقول أنا صايم
مش هاسمحلك تشخط فيه
ولا هاسكتلك وهانتخاصم
كده راح يحصل بينا مشاكل
يبقى الأفضل بقى نتفاهم
آدي شروطي
زي ما حقك تملي شروطك
أنا من حقي كمان
يا سي صايم
وكمان حاجة عشان نتصارح
أنا موش ناسية
ليلة امبارح
جيت صحيتك وانت يا فالح
عامل نفسك منتاش سامع
فما فيش داعي تقطـَّم فيه
أو تفتحلي جروح ومواجع
ليك عين تنكر ولا تقاوح
طب مش فاكر ؟
قوم يا سي أحمد
يالا يا شرشر
وانت يا عيني عليك بتشخر
قبل ما يدَّن قوم يا حبيبي
أحسن كده ، ممكن تتأخر
يلا ياخويا قوام ع المطبخ
أكلك جاهز
يلا حمادة عشان تتسحر
قلت يا ستي
خلاص مش عاوز
قلت لنفسي تعبان جايز
هاقلق راحتي ليه من أصله
أحسن حاجة خليه نايم
أهي جت منه
بركة يا جامع
آمال محمود كحيل
الحكايـــــ1ــــــة
إنى صايم
والله صبحنا وصبح الملك..
لصاحبه الدايم.
إنى صايم.
وهاقولهالك كده م الآخر
إبعدى عنى خلاص دلوقتى,
وبعد المغرب ..
ابقى تعالي عشان نتفاهم
لاجل انا صايم.
ناسيه امبارح ماتسحرتش؟
وكمان لاحظى .. من مصلحتك
أفضل نايم
لاجل حياتنا تصبح واحه
مشى أمورك كده بالراحه
يعنى مافيش دوشه وعزايم
إنى صايم.
مهما تسوء بيننا الاحوال
انسى بأنك تبقى آمال
هاتلاقى عيشتك فل وعال
يعنى عنادك شيئ مش لازم
لاجل انا صايم
أحمد الشربينى
الرد على الموضوع
بركة يا جامع
والله بدأنا الشهر وبدأ
الخوف من قصة
إنك صايم
من أولها بقيت تتشرط
طب يا سي أحمد
خليك فاهم
ما تعتبش البيت يا حبيبي
قبل ما يدَّن لو بثواني
أصلي انا زيك
صايمة ومش هاتحمل حد
يثور قدامي
لو تعبان تدخل على أوضتك
تقرا ولو جزئين قرآن
هاتلاقي نفسك مرتاح خالص
ودا تعمله بقى طول رمضان
أو تتسحب
للبلكونة تشم شوية هوا
وتروق
وان عايز تتكلم يبقى
كلامك ليه يكون بالذوق
مش تتفشش فيه وساعة
ما ازعل بقى
هاتقول أنا صايم
مش هاسمحلك تشخط فيه
ولا هاسكتلك وهانتخاصم
كده راح يحصل بينا مشاكل
يبقى الأفضل بقى نتفاهم
آدي شروطي
زي ما حقك تملي شروطك
أنا من حقي كمان
يا سي صايم
وكمان حاجة عشان نتصارح
أنا موش ناسية
ليلة امبارح
جيت صحيتك وانت يا فالح
عامل نفسك منتاش سامع
فما فيش داعي تقطـَّم فيه
أو تفتحلي جروح ومواجع
ليك عين تنكر ولا تقاوح
طب مش فاكر ؟
قوم يا سي أحمد
يالا يا شرشر
وانت يا عيني عليك بتشخر
قبل ما يدَّن قوم يا حبيبي
أحسن كده ، ممكن تتأخر
يلا ياخويا قوام ع المطبخ
أكلك جاهز
يلا حمادة عشان تتسحر
قلت يا ستي
خلاص مش عاوز
قلت لنفسي تعبان جايز
هاقلق راحتي ليه من أصله
أحسن حاجة خليه نايم
أهي جت منه
بركة يا جامع
آمال محمود كحيل