لـمَّـا الـفـرحـة تـبـان ف عـيـنـيـك_أغـنـيـة

[د. أحمد الليثي]

لـمَّـا الـفـرحـة تـبـان ف عـيـنـيـك_أغـنـيـة


لمَّا الفرحة
تبان ف عينيك
تضحك لي
وانا ملك إيديك
ليه يا حبيبي
بتدَّاري مني
ليه دا انا برضه
ماهونش عليك.

ليلي نهاري
بافكر فيك
كل منايَّ
ان انا ارضيك
دا انا طول عمري
فرحانة بيك
افرح ياللا
وضمني ليك.

كنت معـاك
أيامنا جميلـة
حبنـا يعمل
لينا ضُلِّيلـة
نفرح نسعد
ما احلاها ليلـة
قلبـك يضمَّـك
ويدفّيـك.

اضحك ياللا
اضحك ياللا
ما اهونش عليك.

[الشربينى خطاب]

الله الله
يا دكتور احمد
بتضحك عليها
عصفور قلبك
شقي وبزقزق
لسه بغني
اناشيد حبك
***
والعصفورة
اللي انت شاغلها
فارده جناحها
وبفرَّحها
لمسة إيد ك
أو كلمة تقولها

[د.ابراهيم ابوزيد]

لمَّا الفرحة

تبان ف عينيك

نفسى ساعتها اضم ايديك

نجرى نطير فوق اى سحابه

خايف والله منى عليك

[ناديه حسين]

لاعدمنا هذا البوح الجميل
والشاعري

صح السانك دكتور احمد

واسمحلى اغني معاك علي مودي

وكلاً يغني على ليلاه

ونا بغني لحبيبي

اقول

لمَّا الحب يبان ف عينيه
انسى عذابواواجري عليه
انسى ليالي الحيره معاه
وارجع تاني احن اليه


هو حياتي وساكن روحي
هو قدر مكتوب على لوحي
هو نصيبي مداوي جروجي
ايوه بحبه من غير ليه

هو حبيبي وضي العين
هو لوردي سواقي حنين
هو وبس حبيبي حسين
ولدي وكل احبابي عنيه

وسلامتك


دمت بخير وشكرا لبوحك الشجي

[ناديه حسين]

ولدي وكل احبابي عنيه

نسيت ان اللهجه لازم تكون مصريه

تعديل


ابني وكل احبابي عنيه

[د. أحمد الليثي]

الله الله
يا دكتور احمد
بتضحك عليها
عصفور قلبك
شقي وبزقزق
لسه بغني
اناشيد حبك
***
والعصفورة
اللي انت شاغلها
فارده جناحها
وبفرَّحها
لمسة إيد ك
أو كلمة تقولها

الأخ الحبيب الأستاذ الشربيني خطـاب
شكر الله مرورك الطيب، وإضافتك الجميـلة.
دمت سالمـاً.

[د. أحمد الليثي]

لمَّا الفرحة

تبان ف عينيك

نفسى ساعتها اضم ايديك

نجرى نطير فوق اى سحابه

خايف والله منى عليك

يا الله! قفلة جميلة أخي الدكتور إبراهيم. لكن هي حتى لو كانت شوكولاته برضه ما يتخافش عليها منك. انت اللي يتخاف عليك منها حتى لو كانت شربة ملح.

دمت سالمــاً.

[د. أحمد الليثي]

لاعدمنا هذا البوح الجميل
والشاعري

صح السانك دكتور احمد

واسمحلى اغني معاك علي مودي

وكلاً يغني على ليلاه

ونا بغني لحبيبي

اقول

لمَّا الحب يبان ف عينيه
انسى عذابواواجري عليه
انسى ليالي الحيره معاه
وارجع تاني احن اليه


هو حياتي وساكن روحي
هو قدر مكتوب على لوحي
هو نصيبي مداوي جروجي
ايوه بحبه من غير ليه

هو حبيبي وضي العين
هو لوردي سواقي حنين
هو وبس حبيبي حسين
ولدي وكل احبابي عنيه

وسلامتك


دمت بخير وشكرا لبوحك الشجي



الأخت الفاضلة الأستاذة نادية حسين
شكر الله مرورك، ولا عدمتِ "ليـلاكِ".