الشربينى خطاب
27-08-2008, 10:24 AM
رمضان كريم
رمضان كريم يا شعرا
وانتم طيبين
إيه رأيكم لو قلنا
للخلق اللِّي شقيانه
وطول النهار صايمين
كلام يزيل التعب
بحبة صور حلوين
****
ننقع أبيات القصايد
ف شهد سكره زايد
خشاف للطائعين
مدام غلُّوا المعايش
وقالوا لنا شدوا القوايش
وبلاش تاكلوا الياميش
بشر وزبيب وتين
حتي الهوا والميَّه
والعيش وقمر الدين
*****
قبل فطارنا
يبقي كلامنا
دعا له معني
وابتهال تايبين
أما سحور نا
آيات تهجُدْ
و حبة بكا نادمين
نغسل قلوبنا القاسية
يمكن نفوسنا العاصية
ف غفلة أو قول ناسية
عملت ذنوب وخطايا
تتعد بالملايين
*****
إيه رأيكم يا شعرا
نصوم ونفطر سوا
ع الحلوة والمرة
ولا انتم مش ناويين ؟
****
اللي ناوي
يصوم معانا
من أول لشهر الكريم
يرفع إيديه للسما
ويطلب من مولانا
يهدينا والسامعين
ويدعي ربنا معانا
يزيل الغمة دي عننا
وينور قلوبنا وسمانا
نسهر نصلَّح أرضنا
ونزرع أملنا ف غيطانا
للغلابة المطحونين
ونوفر اللقمة لعيالنا
قولوا يا شعرا واخلصوا
قولوا بخشوع آمـين
رمضان كريم يا شعرا
وانتم طيبين
إيه رأيكم لو قلنا
للخلق اللِّي شقيانه
وطول النهار صايمين
كلام يزيل التعب
بحبة صور حلوين
****
ننقع أبيات القصايد
ف شهد سكره زايد
خشاف للطائعين
مدام غلُّوا المعايش
وقالوا لنا شدوا القوايش
وبلاش تاكلوا الياميش
بشر وزبيب وتين
حتي الهوا والميَّه
والعيش وقمر الدين
*****
قبل فطارنا
يبقي كلامنا
دعا له معني
وابتهال تايبين
أما سحور نا
آيات تهجُدْ
و حبة بكا نادمين
نغسل قلوبنا القاسية
يمكن نفوسنا العاصية
ف غفلة أو قول ناسية
عملت ذنوب وخطايا
تتعد بالملايين
*****
إيه رأيكم يا شعرا
نصوم ونفطر سوا
ع الحلوة والمرة
ولا انتم مش ناويين ؟
****
اللي ناوي
يصوم معانا
من أول لشهر الكريم
يرفع إيديه للسما
ويطلب من مولانا
يهدينا والسامعين
ويدعي ربنا معانا
يزيل الغمة دي عننا
وينور قلوبنا وسمانا
نسهر نصلَّح أرضنا
ونزرع أملنا ف غيطانا
للغلابة المطحونين
ونوفر اللقمة لعيالنا
قولوا يا شعرا واخلصوا
قولوا بخشوع آمـين