نسوان آاااخر الزمان..

[يحيى زكريا]

فى واقعة غريبه قرأت فى صحيفه الاخبار الصادره يوم 21 اكتوبر الحالى هذه الحادثه

تقول الجريده أن أمرأة تقدمت بطلب نفى نسب إبنها من والده ..عجيبه كلنا نعرف ان الأباء

هم الذين يطلبون نفى نسب الاطفال اليهم أما ان تطلب هذا الأم فهذا هو العجيب ..طيب ليه

يا هانم طالبه نفى نسب ابنك لأبوه الذى طلقك وارتاح من قرفك فكما هو واضح ان عقل حضرتك

ترللى ومفوت حبتين لاء حبتين ايه قولى 500 مليون حَبَّه ..يقول الخبر ان الهانم تقدمت للمحكمه

بهذا الطلب للانتقام من طليقها والد الطفل ..يا سلااااام ..بقى عاوزه تنتقم من والد الطفل تروح

تقدم طلب نفى نسب إبنها ..طب ما تنتقم من طليقها بأى طريقه تانيه ...قال لك فتح مخك معايا أومال

أصل الهانم عملت كده عشان كمان تحرم الاب من رؤية إبنه ..الله الله..شوف التخطيط

والدماغ الرايقه ..طيب خلينا مع الهانم للاخر ..طيب عاوزه تنتقمى من طليقك ليه يا هانم

لانه تخطاها فى الترقيه ..يا سنه سوده ونهار منيل بستين ألف نيله ..يعنى إيه تخطاكى

فى الترقيه يا ام مخ كاوتش ..تقول لك مش يمكن هو اللى عاملها ..طب وافرضى يا هانم

هو اللى عاملها ده يخلليكى تقدمى للمحكمه طلب نفى نسب إبنك من أبوه ..بالذمه دا ينفع

هم دول الستات اللى عاوزين يبقوا قضاه ورؤساء وزاره ورؤساء جمهوريه بالذمه دى ناس تملك

ذره من العقل ..عشان جوزها تخطاها فى الترقيه وهو أكيد يستحقها أو المكان اللى هم شغالين

فيه شاف انه يستحقها وأعطاها له تقومى حضرتك تطلعى ابنك إبن حرام إبن زنى مالوش أب

طب الحمدلله إن المحكمه رفضت القضيه لسبب قضائى لست ضليعا فيه ...دى الست هند

الحناوى قومت الدنيا ومقعدتهاش عشان تنسب بنتها لأبوها تقومى حضرتك تعملى العكس

طب أنا حسألك سؤال ..لما ابنك يكبر ويقول لك فين بابا يا ماما حتقولى له إيه حتنزلى تجيبى له

أب من وسط البلد ..ولا حتقولى له يا حبيبى انت معجزه إتولدت من غير أب ولا حتقولى له

يا حبيبى على أيامك الولاد كانوا بييجوا كده من غير أبهات ...ولا حتقولى له يا حبيبى أنا أكلت دره

رحت إنت جيت ..إتفرجوا يا ساده على من يريدون الحريه والمساواه ..اتفرجوا على اللى

بطالبوا بحريات اكتر ..أدى عيِّنَه ومين عارف مش يمكن ما خفى كان أعظم ..

طب يا ست هانم ياللى عاوزه تنفى نسب إبنك عاوز اسألك سؤال لو الناس قالولك ده ابن مين حتقولى ايه

طيب بلاش السؤال الخايب ده ..حسألك سؤال تانى ..إنتى عارفه انتى فى نظر القاضى والناس

بتوع القضاء يبقى اسمك إيه ..وعارفه أنتى دلوقت قدام الناس كلها إسمك إيه ..

هااااا ... أقول ولا تقوليها إنتى ؟؟؟

[علي أسعد أسعد]

فعلا

نسوان آخر زمن


شكرا ً لك أخي الحبيب

[يُمنى سالم]

الفاضل يحيى زكريا

وإن كانت هذه حالة شاذة جداً ولا تعمم على بقية النساء..
ففي النساء من تستطيع أن تقود أمة بفكرها وعقلها لا منصبها وعمرها.
أتوقع أن هذه الحالة تمخضت من ضغوط حياتيه وجهل غير طبيعي أو حتى عن غضب، وإن كانت كذلك فهي لا تصلح البته أن تربي طفلاً ليبقى اصلاص في حضانتها.

الطلاق في مجتمعنا أصبح يتكرر وبصورة مأساوية وأحياناً كوميدية جداً، اما هذه الحالة فهي مأساوية بالنسبة للزوج وللإبن بالفعل، ولكن رجائي ألا تعممها فهناك من يستحقن الاحترام فعلاً.
تحيتي

[عماد تريسي]

حالة شاذة و غريبة جداً , هذه المرأة لا يمكن أن تكون عاقلة أبداً !

لم يعد العجب في رجب و حسب , بل تعدّى كل الشهور .


شكراً لكَ أخي الكريم


مودتي

[بديعة]

يحيى زكريا

ربما أجد نفسي رغم سذاجة تلك المراة لا أملك سوى ان اقول كان الله فى عونها

ولنسال انفسنا ما الذي اوصل المراة الى هذا الحد الذي وصلت اليه من التفكير ؟

ربما اجد من الظلم أن نضع اللائمة عليها بالمطلق فلنكن واقعيين قليلا

تلك المرأة ربما وجدت من القهر والظلم الى الحد الذى اوصلها أنها بذلك الفعل تنتصر لذاتها

وكانت طريقة تعبير بغض النظر عما فعلته فانا لست متفقة معها بما فعلته

ولكن علينا لا نأخذ بالخبر بل نبحث بما وراء الخبر لنقف على أسباب الحقيقية للمشاكل العصرية التى نحياها ولو تعمقت قليلا ربما تصل الى قول
" رجالة ونسوان آخر زمن "

وكان الله فى عون الجميع

ودمت بخير

[ابراهيم خليل ابراهيم]

والحياة حافلة بالعجائب مثل مونيا ومونيكا وشحتوتة
حفظنا الله تعالى