انور النويري
06-12-2008, 11:08 AM
جيتك منك وانا جواك
رتبتك غنوة قبال ابداك
علمتك كيف اتنين يتحدو القسوة
وكيف بتسامحي وتبقي وملاك
ولما الريح بتهب بيناتنا
كيفن بداري هواك
واي طريق مكتوب امشيهو
بكونو معاك
لكنك
بعد اتحكر فيا هواك
رجعتي لي عادتك
وكان في ظنك
انك واحدة ومابلدنك
وانك
ماسكة نبضنا
وساكتة جرحنا
ولما جرحنا كان في محنة
وقفتي تتاوقي ونزفنا انحن
جيتك جالب شوقا جد جبار
لو خش مسامك كان قلبك طار
شوق الزول العمرو ماخانك ولاخوانك
نازف منك من وريدو لي شريانك
لا استوعبتي الفكرة الفي جوانك
لا هز الشوق وجدانك
عارفاراني جاييك مكتول( مقتول )من غيرك
ومارستي هوايتك وانا صدقت
انك واحدة واني الاول
واني جواك مابتحول
وبدت الفكرة سحابة ومطرة
وقمحا وكسرة(اكلة شعبية سودانية)
وقبال ومانتم الحول
اتنسفت فكرة
ماندمان وحياة البينا
ولسع شايلو في جواي
علمتك كيف نتحدي القسوة
قسيتي معاي
وانا كيف اتعلم منك
اكون نساي
عشان ماتتكرر تجربتك تاني
واطلع منها محروقة حشاي
وارجع زي الاول
بلدن غيرك واحسن منك
رتبتك غنوة قبال ابداك
علمتك كيف اتنين يتحدو القسوة
وكيف بتسامحي وتبقي وملاك
ولما الريح بتهب بيناتنا
كيفن بداري هواك
واي طريق مكتوب امشيهو
بكونو معاك
لكنك
بعد اتحكر فيا هواك
رجعتي لي عادتك
وكان في ظنك
انك واحدة ومابلدنك
وانك
ماسكة نبضنا
وساكتة جرحنا
ولما جرحنا كان في محنة
وقفتي تتاوقي ونزفنا انحن
جيتك جالب شوقا جد جبار
لو خش مسامك كان قلبك طار
شوق الزول العمرو ماخانك ولاخوانك
نازف منك من وريدو لي شريانك
لا استوعبتي الفكرة الفي جوانك
لا هز الشوق وجدانك
عارفاراني جاييك مكتول( مقتول )من غيرك
ومارستي هوايتك وانا صدقت
انك واحدة واني الاول
واني جواك مابتحول
وبدت الفكرة سحابة ومطرة
وقمحا وكسرة(اكلة شعبية سودانية)
وقبال ومانتم الحول
اتنسفت فكرة
ماندمان وحياة البينا
ولسع شايلو في جواي
علمتك كيف نتحدي القسوة
قسيتي معاي
وانا كيف اتعلم منك
اكون نساي
عشان ماتتكرر تجربتك تاني
واطلع منها محروقة حشاي
وارجع زي الاول
بلدن غيرك واحسن منك