أحمد فؤاد
26-10-2007, 04:29 PM
مُقدّمة
عندما تـُسلب حقوقك أمام عينيك .. و عندما يتحتّم عليك العيش داخل وطنك بلا كرامة .. يكون الاختيار صعباً؛إما أن تنسلخ مؤقتاً ( مكانياً ) عن وطنك ،أو أن تبقى ( كومبارس ) في مسلسل يومي لهتك الكبرياء ... بعنوان ( بلا كرامة في وطنك )
ستحاول البحث - مجبراً- عن وطن - في شبه الكرامة العربية- للكبرياء،و لكنك ستجد في التيه .. أخوان لك من مختلف الأوطان. و كدائرة اجتماعية عربية كهربائية .. ستفهم أن وجودك في أي بلد عربي ، سيضمن لك أن تكون موصل جيد جداً .. لـ( سلب ) الحقوق
لتصبح في النهاية مجرد .. ملطشة
المــلـــطـــشـــه
الملطشه ليها تعاريف كتير
من كل لون وفي كل علم من العلوم
الملطشه في علم الرياضه ..كام قلم
و أنت حاصل ضربهم ..على القفا
أو حتى ناتج طرح ميت مليون سؤال
لازم تجاوب عنهم .. لو حتى مش من حقهم
لازم تكون لوغاريتم سهل في حلهم
أصل المعادله ملهاش غير حل واحد
إنك تكون الملطشه
و الملطشه في العربي يعني تبقا هفأ
عارف إيه يعني هفأ
يعني اللطش يجي من كل حته
تحت .. يبقا لازم تترفع.. بالضمه طبعاً
فوق .. يبقا لازم تنكسر بألف جزمه
يمين .. يبقا لازم تتسكن بألف لعنه
شمال .. يبقا لازم تتنصب أو تتصلب
تبقا فجأه فعل ماضي .. يعني لازم تتركن
أو تندفن
هي بس يا دوب صفه .. متنسهاش
إنك بس .. ملطشه
و الملطشه في علم البلاغه كنايه سودا
كنايه عن إنك غبي
و استعاره من كل واحد يلطشك
تبقا ببساطه بقيت من أهل العباطه
و العباطه ديه تعبير مجازي
عن أنك ميت مليون غبي
يا ملطشه
و الملطشه في الفيزيا شئ غريب
أرشميدس قالها يومها .. لقاها طافيه
قامت الدنيا عليه .. عشان صابونه
و قال للعالم وجدتها .. وهو قالع
حد لطشه يومها بكام قلم
ولا حد حتى لطش الصابونه
يا لهو بالي يا هندسه .. ده انت محصلتش صابونه
لأنك بس ملطشه
و الملطشه علم اجتماع
وسط أهلك .. هيبقا عز غربتك
هيوصفولك حبهم . ولازم أنت تبقا فاهم
أن مهما يزيدوا جرحك .. ده ببساطه حقهم
هيهون عليهم كل شئ
يتفننوا في كل الكلام
يألمك . .و يعذبك
و يسيب ألف ضعف جوه .. يكسرك
ويعلمك .. أنك غبي
وهتفضل دايماً ملطشه
شفت حق الاحتكار في الملطشه
جوه بلدك .. بره بلدك
برضه أنت الملطشه
وزير .. خفير .. أي حقير
حتى رئيسك في العمل
آخد حق الانتفاع للمطلشه
حتى الممات .
ما هو ده فن الملطشه
ولو خدت حق الامتياز في الملطشه
يبقا أنت لازم تنحني
وطيي .. خليه يركبك
تبقا نجحت بامتياز
في الملطشه
اللطش في الميت حرام
ومين قال فيه ميتيين
لو كنت ميت كان حرام
لكن أنت عايش .. وعلشان كده
هههههه
طراخ
أهيه لطشه كمان .. على القفا
شفت أنك لسه ملطشه
يا ملطشه .
أحمد فؤاد
عندما تـُسلب حقوقك أمام عينيك .. و عندما يتحتّم عليك العيش داخل وطنك بلا كرامة .. يكون الاختيار صعباً؛إما أن تنسلخ مؤقتاً ( مكانياً ) عن وطنك ،أو أن تبقى ( كومبارس ) في مسلسل يومي لهتك الكبرياء ... بعنوان ( بلا كرامة في وطنك )
ستحاول البحث - مجبراً- عن وطن - في شبه الكرامة العربية- للكبرياء،و لكنك ستجد في التيه .. أخوان لك من مختلف الأوطان. و كدائرة اجتماعية عربية كهربائية .. ستفهم أن وجودك في أي بلد عربي ، سيضمن لك أن تكون موصل جيد جداً .. لـ( سلب ) الحقوق
لتصبح في النهاية مجرد .. ملطشة
المــلـــطـــشـــه
الملطشه ليها تعاريف كتير
من كل لون وفي كل علم من العلوم
الملطشه في علم الرياضه ..كام قلم
و أنت حاصل ضربهم ..على القفا
أو حتى ناتج طرح ميت مليون سؤال
لازم تجاوب عنهم .. لو حتى مش من حقهم
لازم تكون لوغاريتم سهل في حلهم
أصل المعادله ملهاش غير حل واحد
إنك تكون الملطشه
و الملطشه في العربي يعني تبقا هفأ
عارف إيه يعني هفأ
يعني اللطش يجي من كل حته
تحت .. يبقا لازم تترفع.. بالضمه طبعاً
فوق .. يبقا لازم تنكسر بألف جزمه
يمين .. يبقا لازم تتسكن بألف لعنه
شمال .. يبقا لازم تتنصب أو تتصلب
تبقا فجأه فعل ماضي .. يعني لازم تتركن
أو تندفن
هي بس يا دوب صفه .. متنسهاش
إنك بس .. ملطشه
و الملطشه في علم البلاغه كنايه سودا
كنايه عن إنك غبي
و استعاره من كل واحد يلطشك
تبقا ببساطه بقيت من أهل العباطه
و العباطه ديه تعبير مجازي
عن أنك ميت مليون غبي
يا ملطشه
و الملطشه في الفيزيا شئ غريب
أرشميدس قالها يومها .. لقاها طافيه
قامت الدنيا عليه .. عشان صابونه
و قال للعالم وجدتها .. وهو قالع
حد لطشه يومها بكام قلم
ولا حد حتى لطش الصابونه
يا لهو بالي يا هندسه .. ده انت محصلتش صابونه
لأنك بس ملطشه
و الملطشه علم اجتماع
وسط أهلك .. هيبقا عز غربتك
هيوصفولك حبهم . ولازم أنت تبقا فاهم
أن مهما يزيدوا جرحك .. ده ببساطه حقهم
هيهون عليهم كل شئ
يتفننوا في كل الكلام
يألمك . .و يعذبك
و يسيب ألف ضعف جوه .. يكسرك
ويعلمك .. أنك غبي
وهتفضل دايماً ملطشه
شفت حق الاحتكار في الملطشه
جوه بلدك .. بره بلدك
برضه أنت الملطشه
وزير .. خفير .. أي حقير
حتى رئيسك في العمل
آخد حق الانتفاع للمطلشه
حتى الممات .
ما هو ده فن الملطشه
ولو خدت حق الامتياز في الملطشه
يبقا أنت لازم تنحني
وطيي .. خليه يركبك
تبقا نجحت بامتياز
في الملطشه
اللطش في الميت حرام
ومين قال فيه ميتيين
لو كنت ميت كان حرام
لكن أنت عايش .. وعلشان كده
هههههه
طراخ
أهيه لطشه كمان .. على القفا
شفت أنك لسه ملطشه
يا ملطشه .
أحمد فؤاد