جربتي إنك

[انور النويري]

:icon (11):جربتي إنك تلقي ريدك في كل مكان
جربتي إنك ترجعي الفرح اللي كان
جربتي إنك تباصري في الوجع اللي زان
صوت الكمان
سكتك ماقربت
خطوتك ماإتكلمت
ضلك مابلقي فيه غير التعب
زمنك إيقاعو نازف وترا صعب
وليلك كمان ممدود خوف إنسكب
مشكلتك إنك تزرعي الفرح
لي زمن ما جي ليك
مع إني راجيك ياخريف
برغم جوانا النزيف
وصمتك رصيف
جربتي إنك تعاندي في الريح التقاوم فرحنا
ووينك يافرحنا لما زاد الخوف ترحنا (ترحنا يعني حزنا)
وإنتي زي كأنك
ما نا منك
ومشتهنك
يحن غناك وننساهو جنك
ويستقر فرحنا الفينا منك
جربتي إنك
ولا أقول ليك
إفترضتك جريدة في يد محارب إيدو واحدة
وإيدو تانية دايسة علي جمر السكوت
ح تسوي كيف ؟؟؟؟؟
أظنك إنتي أقوي وأكبر من سؤالي
ياسؤالي الما ليه إجابة
بس حقيقة السؤال الفينا أصعب
والزمن العلينا مر وأكعب (أكعب يعني سئ جدا)
لاوهجك بينطفئ
ولا دربك بيختفئ
ولا ضلك بينتهي منو الت ع ب

[صلاح العسال]

جميل انت ايها النويري
والنويري تصغير للنور ان جاز التشبيه فأنت البصيص الذي نرى به الأشياء الصغيره في عتمة الليل الغميق
وحقيقي هل جربت أنت ؟؟
جربتي إنك تلقي ريدك في كل مكان
جربتي إنك ترجعي الفرح اللي كان
رائعة

تحياتي لك
صديقك