أحمد إبراهيم أحمد
08-04-2009, 01:52 AM
الحلم عدا ولا لسة ماجاش
عدت عليك الرحلة وانت وحيد
بتمد أيد ترسم بها أحلام
قدام
بتلم ف الصمت الحزين ورقك
تقعد تلملم ف الحروف ومافيش
تلمح أفيش هربان من الزحمة
(الحلم بكرة واللي جاي أحلي)
تفرك ف عينك هي هي عنيك
بيسيل عرق م الخجل
تهرب قوام
ماتجيش
هنا
ناصية الحلم اللي كان بنا
كنا الصحاب الطيبين والناس
هنا جذع شجرة قديم قديم
كل الحروف الأبجدية فيه
بتلف راسك ناحية التوهة
مش هو حرفك دا
واللي قصاد س
هنا
رزمة جواباتك واصفرار لونها
اللحظة كونها وماتعديش
افتح سطور كانت كتير بينا
انت اللي حلمك بس مابيصحاش
راحت بلاش كل الحروف راحت
ولا حلمك الباقي فضل موجود
طبق ايديك من ورا ضهرك
وامشي ف طريق التوهة
ماتخطيش
دا الحلم عدا
ولا لسة ماجاش؟
عدت عليك الرحلة وانت وحيد
بتمد أيد ترسم بها أحلام
قدام
بتلم ف الصمت الحزين ورقك
تقعد تلملم ف الحروف ومافيش
تلمح أفيش هربان من الزحمة
(الحلم بكرة واللي جاي أحلي)
تفرك ف عينك هي هي عنيك
بيسيل عرق م الخجل
تهرب قوام
ماتجيش
هنا
ناصية الحلم اللي كان بنا
كنا الصحاب الطيبين والناس
هنا جذع شجرة قديم قديم
كل الحروف الأبجدية فيه
بتلف راسك ناحية التوهة
مش هو حرفك دا
واللي قصاد س
هنا
رزمة جواباتك واصفرار لونها
اللحظة كونها وماتعديش
افتح سطور كانت كتير بينا
انت اللي حلمك بس مابيصحاش
راحت بلاش كل الحروف راحت
ولا حلمك الباقي فضل موجود
طبق ايديك من ورا ضهرك
وامشي ف طريق التوهة
ماتخطيش
دا الحلم عدا
ولا لسة ماجاش؟