المساعد الشخصي الرقمي

مشاهدة النسخة كاملة : بحب الحكومة (2)

محمدعثمان جبريل
30-10-2007, 01:26 PM
بحب الحكومه و حبى دا فرض
تمسح كارمتى و تطرحها أرض
وتسرق فى قوتى ماهى الحبيبه
تنهب حياتى تقولى دى قرض


تحية خاصة لصاحب فكرة بوح الحب للحكومة المحبوبة :
الشاعر الكبير محمد فارس
مصطفى الجزار
30-10-2007, 01:43 PM
تحب الحكومة؟! ما اظنش يا شاعر

كلامك وراه معنى جامد وواعر

عشان الحكومة اللي هيه الحكومة

بتكره كلام الأديب المِجائر

وإنتَ الأديب اللي عُمرُه ما طاطا

لسيف أو لزيف أو لحدّ الخناجر

تحب الحكومة...

تموت في الحكومة...

تموت (بالحكومة)...

تعيش برضُه شاعر

**********
ارتجال سريع من وحي كلماتك أيها الشاعر الأصيل.

دُم بخير.

**********
أستودعك الله

فارس المشاعر
محمود عبد الله سلامة
31-10-2007, 02:49 AM
بحب الحكومة اللي واكلها والعة
دي عاملة بلاوي وأسعارها ولعة
ولكني برضه برغم الحكاوي
بموت في هواها إذا تبقى قالعة
محمود عبد الله سلامة
31-10-2007, 02:51 AM
بحب الحكومة اللي عاملاها سيما
ومين فيها بيها هايبقاله قيمة
فكبر دماغك وعيشها مطنش
وحب الحكومة ولو تبقى ريمة
محمود عبد الله سلامة
31-10-2007, 02:53 AM
بحب الحكومة واحب النظام
برغم النظام اتهرى مـ المدام
تسوق الحراسة وشغلة غلاسة
ولعبة سياسة عشان التزام
صابرين الصباغ
31-10-2007, 05:04 AM
لعبة كبيرة احنا لعبناها
مقالبهم أيوة شربناها
أكلم هما كل التورتة
وصوانيهم أحنا مسحناها


أخي الكريم محمد
معقول ماتحبش حكومتك
ماهى نشفت لك قلب غيمتك
مش بس بتحاسبك في صحوك
لأ دي بتحاسبك في نومتك

رد كيبوري طاير
دمت بكل الخير
ناديه حسين
31-10-2007, 05:17 AM
في حب الحكومه :)

يعطيك العافيه اخي الشاعر محمد

متابعه معكم

ويمكن بيوم اوصف لكم حبي للحكومه ..اصل حكومتنا لازم نكتب فيها موشحات غير شكل

رعاكم الله يامحبين الحكومه
حمدي ليلة
04-06-2008, 10:09 PM
http://www.arab.fm/image/images/0mtb05r2xjryr14wcoib.jpg (http://www.arab.fm/image/)

تصميم : المبدعة سماح