أحمد حسن محمد
05-11-2007, 05:45 PM
تجربة عامية ولست بشاعر، ولكنها لعلها تجوز!!!
دخل وعيونه ملياني
في ليلة عيد
ولمبة هادية مَسْكَانِي
يدوب بتقيد
وكانت بدلته أحلى
من الدنيا
وإيه من كلمته أغلى
قريب ليّه
****
وقال: "بابا"
- يا روح بابا؟
- بتعمل إيه!
- أنا باكتب!
- بتكتب ليه!
- ......
***
وشدّت كلمته جوفي
ونزّت نظرتُه المعشوقه دي خوفي
وما قْدرتش أقول حاجه
هاقول له إيه؟
وأقول ازاي أنا نفسي أروح بلدي
وأقول ازاي بأن الكلمة دي ذكرى لروح بلدي
وباكتبها عشان ما أنساش
عيون بلدي
صحيح عايش هنا فيها
ولكن زي ضيف ماشي
وْيا ريته ما جاش
***
- أنا باكتب عشان ما انساش
- مانا باعرف كمان أكتب
***
ركن جسمه على المكتب
أخد قلمي
كتب اسمه وْكتب اسمي
وقال: "بابا"
- يا روح بابا!
جميل جدا ولك نجمه
ولو أقدر... أجيبها لك
وفرّت دمعة من عيني
ما شافهاشي
يا نور اللمبة داريني
ما تقساشي
***
وقال لي:
- يا بابا خطك أحلى من خطي
وقلت: - يا واد!!!
كلامك حلو دي النوبه
وراح يتهجي في الكلمة اللي مكتوبه
على الجدران:
- هنا دي الواو وطه..!!
................................ وطّي!؟!
وروحه الغالية بصّت لي
وقال:
- وطِّي!!
***
وكنت هاقول نسيت حاجه
ولكن شيء قفل صوتي وقال لي: "ما هي محتاجه"
***
طلع يجري على أمّه يقول ليها
بصوت مجنون
وكانت أمه عارفاها.. بقى لْها سنين
وكاتباها معايا زماااان
وحست زفرتي فايحه ورا الجدران
فقالت: "نووووهههههههههه وووون"
نسيت يا ابني:
ف آخر الكلمة حرف النوووون
دخل وعيونه ملياني
في ليلة عيد
ولمبة هادية مَسْكَانِي
يدوب بتقيد
وكانت بدلته أحلى
من الدنيا
وإيه من كلمته أغلى
قريب ليّه
****
وقال: "بابا"
- يا روح بابا؟
- بتعمل إيه!
- أنا باكتب!
- بتكتب ليه!
- ......
***
وشدّت كلمته جوفي
ونزّت نظرتُه المعشوقه دي خوفي
وما قْدرتش أقول حاجه
هاقول له إيه؟
وأقول ازاي أنا نفسي أروح بلدي
وأقول ازاي بأن الكلمة دي ذكرى لروح بلدي
وباكتبها عشان ما أنساش
عيون بلدي
صحيح عايش هنا فيها
ولكن زي ضيف ماشي
وْيا ريته ما جاش
***
- أنا باكتب عشان ما انساش
- مانا باعرف كمان أكتب
***
ركن جسمه على المكتب
أخد قلمي
كتب اسمه وْكتب اسمي
وقال: "بابا"
- يا روح بابا!
جميل جدا ولك نجمه
ولو أقدر... أجيبها لك
وفرّت دمعة من عيني
ما شافهاشي
يا نور اللمبة داريني
ما تقساشي
***
وقال لي:
- يا بابا خطك أحلى من خطي
وقلت: - يا واد!!!
كلامك حلو دي النوبه
وراح يتهجي في الكلمة اللي مكتوبه
على الجدران:
- هنا دي الواو وطه..!!
................................ وطّي!؟!
وروحه الغالية بصّت لي
وقال:
- وطِّي!!
***
وكنت هاقول نسيت حاجه
ولكن شيء قفل صوتي وقال لي: "ما هي محتاجه"
***
طلع يجري على أمّه يقول ليها
بصوت مجنون
وكانت أمه عارفاها.. بقى لْها سنين
وكاتباها معايا زماااان
وحست زفرتي فايحه ورا الجدران
فقالت: "نووووهههههههههه وووون"
نسيت يا ابني:
ف آخر الكلمة حرف النوووون