إعتذاري
بأعتذر عن أي كلمة قـُلتها في حـقــّك لأني
كل دقة في قلبي همسة بتعتذر عن غلطة مني
و أنتي عارفه إني طايش يعني غلطة غصب عني
طب قوليلي يعني ممكن .. أجرحك يا حِـتـّه مني ؟
هو جرحك جرح عادي
جرحك هو جرح ليا
فاكره يوم ما خاصمت روحي
عارفه إيه كان السبب
إني شوفت قلبك إنتي
جاي يبكي من التعب
و افتكرت إني السبب
يومها قُلتي يا حبيبي
مش صحيح الفكرة
هو فيه في الدنيا حد
غيرك أنت يحسّ بيا
فاكره برضه و لا لسّه
طب هأقولك حاجه تانية
فاكرة لمّا كات تجيلك مُشكلة و تيجي تناديتي
و تقوليلي يا حبيبي ضمّني عندك داريني
خبّي دمعي اللي في عيوني بسمتك ديه بتدوايني
ابتسم و أخدك في حُضني .. تفرحي و ويّاكي عيني
في النهاية عايز أقولك كلمة واحدة
إعتذاري....
يا شمسي إنتي اللي في نهاري.
أحمد فؤاد
28/07/2008
إعتذاري
.gif "Icon (11)")
العرض العادي
