جايز

جايز

جايز و يمكن
و يمكن و جايز
أضّحي بقلبي
اللي نفسه و عايز
يضمّك .. يقولّك
باحبّك يا عمري
و ممكن أضحّي
بُحبّي اللي كانلك
مادُمتي افتكرتي
القلب إنه عاجز
يعيش مرة تانية
لو أنتي اختفيتي
مشيتي
انتهيتي

جايز و يمكن .. و يمكن و جايز


أنسى اللي بينا
و أقول إني عايش
و أداري الحقيقة
في قلبي اللي حايش
سواد ابتسامة
بترقص تخبّي
مرارة ملامة
و يمكن تخبّي
دموعي ابتسامتي
و تكتب حقيقة
إن حُبِك مكانشي
بدايتي
نهايتي

جايز و يمكن .. و يمكن و جايز


أرجع و تاني
أصدّق دموعك
و احاول أضمّك
أحبّك
أكونلك
و جايز نبضي
اللي كان كله ليكي
يرفض يكونلك
مادُمتي إرتضيتي
تسيبي المكان
اللي كان هو حلمك
و أملك
و عُمرك

جايز و يمكن ... و يمكن و جايز

أضحّي بقلبي
اللي نفسه و عايز
يهجر وريدك
و يبدأ حياته
و لازم أضحّي
بحُبي اللي كانلك
مادمتي افتكرتي
القلب إنه عاجز
يعيش مرة تانية
لو إنتي اختفيتي
مشيتي
انتهيتي

جايز و يمكن .. و يمكن و جايز

أحمد فؤاد

جايز و يمكن و يمكن و جايز ياستاذ احمد

الله على الابداع

ولاعدما هذا البوح الجميل

دمت بخير

ابداع وكلام جميل جدااااا اهنئك اخي على هذا البوح

شعر عذب بسيط وكأنك تعزف على بيانو...جايز..ويمكن..ويمكن..وجايز ...

كلامك جميل ،
حقيقي مش جايز وقلبك أصيل ولكنه عاجز
اتمني لك كل التوفيق والابداع

طربية رقيقة من أحمد فؤاد ..
الموسيقى هذه المرة مختلفة ..
نص رشيق وعاطفي جدااااااا

ولوأن لي عتاب على فكرة " الجايز "
فمثل هذه المواقف يحتاج رأياً واضحاً وصريحاً

الصديق العزيز
أحمد فؤاد
اسمتعت بقراءتي لنصك


تحياتي



.........